विमानप्रवास

एकदा वाटले मला
करावा विमानप्रवास
पैसे जमवले भरपूर
पण अनुभव नव्हता खास
 तिकीट गेले काढायला
पहिली मोठी रांग
फॉर्म घेतला भरायला
पण लागत नव्हता थांग
मदत मागितली शेजाऱ्याची
नकारघंटा आली
कसातरी चुकत माकत
आरक्षण अर्ज भरला जरी
लवकरच लागला नंबर
आनंदात घर गाठले तरी
तयारी झाली सुरू
कपड्यालत्त्याची मस्त
पण बिलाचा पहिला आकडा
पैशाची धुलाई जास्त
बॅगा नवीन आणल्या
पण सामान  झाले जास्त
वजन कमी करण्यास
केली मोठी शिकस्त
तयारी झाली सारी
जामानिमा  मस्त
एकदा पोचली स्वारी
विमानतळावर स्वस्थ
खातर जमा सामानाची
ठाकठीक झाली
आता लागली उत्सुकता
विमानात प्रवेश करायची
घोषणा झाली सुरु
विमान रद्द झाल्याची
धुक्याने मारली बाजी
निराशा झाली सर्वांची
उत्सुकतेचा फुटला फुगा
हादरा देऊन सुस्त
अशी झाली कथा
विमानप्रवासाची मस्त