विमानप्रवास

एकदा वाटले मला
करावा विमानप्रवास
पैसे जमवले भरपूर
पण अनुभव नव्हता खास
 तिकीट गेले काढायला
पहिली मोठी रांग
फॉर्म घेतला भरायला
पण लागत नव्हता थांग
मदत मागितली शेजाऱ्याची
नकारघंटा आली
कसातरी चुकत माकत
आरक्षण अर्ज भरला जरी
लवकरच लागला नंबर
आनंदात घर गाठले तरी
तयारी झाली सुरू
कपड्यालत्त्याची मस्त
पण बिलाचा पहिला आकडा
पैशाची धुलाई जास्त
बॅगा नवीन आणल्या
पण सामान  झाले जास्त
वजन कमी करण्यास
केली मोठी शिकस्त
तयारी झाली सारी
जामानिमा  मस्त
एकदा पोचली स्वारी
विमानतळावर स्वस्थ
खातर जमा सामानाची
ठाकठीक झाली
आता लागली उत्सुकता
विमानात प्रवेश करायची
घोषणा झाली सुरु
विमान रद्द झाल्याची
धुक्याने मारली बाजी
निराशा झाली सर्वांची
उत्सुकतेचा फुटला फुगा
हादरा देऊन सुस्त
अशी झाली कथा
विमानप्रवासाची मस्त

पु ल देशपांडे

पु ल आमचे हरहुन्नरी
विनोदात बाजी मारली खरी
विनोदी बाण्यात साऱ्यांची गणती
सामन्यात राहून असामान्य होती
तनमन अर्पिती सर्वांसाठी
चैनीवरी कधी केली नाही प्रीती
चांगल्यासाठी सदा उत्सुक आतुर
सर्वांशी मैत्री केली आजवर
साहित्य संगीत नाटक सिनेमा
सर्वात मशहूर तरी स्वतंत्र बाणा
सारख्याच मस्तीने सर्वात रमले
पण ग च्या बाधेपासून मुक्त राहिले
कलेसाठी छंदासाठी केले प्रेम अपरंपार
धनाची सत्कर्मी उधळण करून
केला जोहार
उत्तमाच्या संचयाने
पुरुषोत्त्तम झाले
 कीर्तिरूपाने अमर झाले

इंद्रधनुष्य

इंद्रधनू नभी अवतरले
सारे रंग प्रकटले
रंगांची ती प्रेमळ एकी
आदर्शाचा दाखल राखी
प्रत्येकाची ओळख वेगळी
समानतेचा गुण दाखवी
पांढरा शांत पावित्र्याचा
केशरि धैर्य हौतात्म्याचा
हिरवागार समृद्धीचा
लालचुटुक चैतन्याचा
पिवळाधमक परिपक्वतेचा
निळा मंद आकाशाचा
सारे असती फार गुणी
इंद्रधनुष्य एकवटूनी

माया

माया आईची मऊ साईची
फुल जाईची अति कोमल
माया पित्याची वारसा देण्याची
छाया घरट्याची निरंतर
माया भावाची पाठ राखायची
भाऊबीज घालायची प्रेमभावे
माया बहिणीची राखी बांधायची
प्रेम जपण्याची आनंद मानण्याची
माया आजीची खाऊ घालायची
कौतुक करायची नातं नातवाची
माया आजोबांची गोष्ट सांगण्याची
धाडस शिकवायची आदर्श ठेवायची
माया आत्याची लाड करायची
सोहळे पुरवायची हौस भारी
माया मावशीची गुपित सांगण्याची
हितगुज करायची थट्टा मस्करीची
माया मामाची  कामी येण्याची
साद प्रेमाची पाखर घाली
माया मैत्रीची गुजगोष्टी करायची
अल्लड प्रेमाची साक्ष देई
माया सजनाची स्वप्ने रंगवायची
प्रेम उधळायची एकमेकांवरी
माया गुरुरायाची भक्ती शिकवायची
भेट घडवून द्यायची परमेशाची

झुला

झुलतो झुला स्वछंदी
मुले होती आनंदी
गप्पांच्या झडती फैरी
मजेने हसती सारी
गतस्मृतींच्या आठवणी
मोहरती तनमनी
खुशीत रमती गाती
हर्षोल्हासें बागडती
गाणी गोष्टी चुटकुले
कोडी गमतीत मजा खुले
कथा चुटकुले विनोदही
साहित्य आणि कविताही
सारे डोलती सहीसही
वेळेचे तर भानच नाही
गुजगोष्टीत सारी डुलती
झुल्यासम खाली वरती